Nyamannya makan karak
Satumat kurihing satumat tatawa
Niat hati handak baparak
Takutan disariki kali kadua
Pur sinapur
Kaladi baguyangan
Si aluh bapupur
Si utuh karindangan
Ka puhun nyiur maambil undayang
Batangnya pulang diulah lidi
Bini nang ada tatap disayang
Bini hanyar tatap dicari
Nyaman-nyaman makan karak
Makan karak dipipiringan
Nyaman-nyaman baisi pacar parak
Kawa jua basisiritan
Kitik-kitik daun rumbia
Daun nangka balik tilantang
Apik-apik di dunia
Api neraka sudah mahadang
Pohon kada sambarang pohon
Pohon paikat
tumbuh dikali
Pantun kada sambarang pantun
Pantun papadahan orang bahari
Daun paring daun tarap
Kujatuhakan ka dahan katapi
Amun guring jangan batiharap
Sama mandoakan kuitan mati
Rapun sarai tumbuhnya rabah
Paring sarampun kutabangakan
Amun makan sambil barabah
Garing batahun ujar orang baumuran
Kambang kananga tumbuh digalangan
Rasa sayang tanam di halaman
Banyak makan ujar cacingan
Nangitu makalaham dusta babujuran
Buah binjai dicancang halus bangat
Gasan cacapan iwak papuyu
Amun ikam makan baangkat
Pacang babini lawan nang balu
"kemaren dapet dari ading-ading bungas yang ngeprint ditempatku"
thanks for Lilis and Ayu
Tidak ada komentar:
Posting Komentar